Аргентинскиот фудбалер Лионел Меси го постигна водечкиот погодок ноќеска во квалификацискиот натпревар за Светското првенство 2022 против Уругвај (3:0). Ова е 27. гол за аргентинскиот капитен во квалификациите за Светското првенство.
Сега Меси е на 5. место на историската листа, изедначувајќи се со Роберт Левандовски (Полска) и Казујоши Миура (Јапонија).
Рекордер е Карлос Руиз од Гватемала со 39 голови. Во топ 4 се и Али Даии (Иран, 35 гола), Кристијано Роналдо (Португалија, 33) и Карим Багери (Иран, 28).
