Меси за свирежите од навивачите на ПСЖ: Никогаш не сум доживеал вакво нешто во Барса

Фудбалерот на ПСЖ, Лионел Меси уште еднаш се осврна на свирежите од навивачите на парискиот клуб по елиминацијата од Лигата на шампионите.

Да потсетиме, 34-годишниот Аргентинец беше исвиркан за време на натпреварот од 28. коло на Лига 1 со Бордо (3:0).

– Во Барселона не наидов на ова. ПСЖ испадна од Лигата на шампионите и разбирлив е гневот на навивачите. Затоа што не ни се случува првпат ваква ситуација. Мене и Нејмар тоа најмногу не погоди. Но, она што се случи, се случи, изјави Меси за „TyC Sports“.

ПСЖ испадна во Лигата на шампионите во 1/8 финалната фаза, губејќи од Реал Мадрид. Во исто време, парискиот клуб ја освои Лига 1.

Минатата сезона Меси на 34 натпревари за парижаните постигна 11 голови и имаше 14 асистенции. Неговиот договор со клубот е до 30 јуни 2023 година.