Во Технолошко-индустриската развојна зона во Штип денеска ќе биде отворена фабриката на канадската компанија „Магна мехатроникс“. Инвестицијата се проценува на околу 50 милиони евра, а се очекува да се отворат 500 до 600 работни места. Инвестицијата ја најави во неделата премиерот Христијан Мицкоски, кој денеска и ќе присуствува на отворањето на фабриката.
-Денес две добри вести! Отвораме нова фабрика во индустриската зона во Штип. 500 до 600 нови работни места за нашите граѓани. Од вчера започна исплатата на повисоките плати. Над 12.000 полицајци добиваат зголемени плати за 10%. Промените не се зборови – тие се случуваат. Македонија повторно станува ваша. Заедно за многу повеќе, за секој еден човек, напиша Мицкоски на Фејсбук.
