Во ДУИ секој министер си има своја фирма и секој министер преку неа ги краде граѓаните во тендери во четири очи, рече претседателот на ВМРО-ДПМНЕ Христијан Мицкоски, одговарајќи на новинарско прашање кој е неговиот коментар по информацијата дека МНР префрлила пари на внукот на поранешниот министер од ДУИ и донатор на партијата за организирање на настан.
– Таков е и овој случај каде што фирма која што претходно се легитимирала како донатор на ДУИ добива тендер, а со тој тендер треба да направи одредени градежни зафати во СЦ Борис Трајковски каде што на крајот на декември месец ќе се одржи Самитот на претседател на држави на земјите членки на ОБСЕ. Со тоа практично се легитимира и организаторот, а тоа е Бујар Османи кој што е во својство на министер за надворешни работи, бидејќи Ковачевски никој во суштина не го прашал. Нему само му кажуваат ти ќе бидеш денеска уште еден ден повеќе премиер, другото остави го и така не те бива за таа работа, еве тука ти се ресурсите, те возат лево десно, те викаат премиер уште малку, другото си е наша работа. Така што него никој ништо не го прашува. Бујар Османи си има своја фирма си ја ангажира таа фирма. Таа фирма е донатор на ДУИ за градежни зафати во СЦ Борис Трајковски, рече Мицкоски.
Тој, како што пренесе Слободен печат, нагласи дека за ова по промена на власта ќе следи одговорност и дека секој кој што се огрешил пред законот ќе одговара, а секој кој што мисли дека ќе се спаси, како што рече се лаже.
– Но, сакам да кажам дека веднаш по промената на владата ќе следи и одговорност. Ако некој мисли дека туку така ќе се спаси и дека ДУИ и понатаму и овие фирми блиски до ДУИ ќе бидат заштитени како досега се лажат, порача Мицкоски.
