Mинистерот за одбрана, Владо Мисајловски, заедно со командантот на 1. пешадиска бригада, бригаден генерал Дејан Чиплаковски, денеска ги посетија припадниците на артилерискиот баталјон во касарната „Мирче Ацев“ во Прилеп и извршија увид на градежните активности, кои во моментов се реализираат во касарната.
Mинистерот Мисајловски одговараше и на новинарски прашања во врска со моменталната состојба со загадената вода во Гостивар.
Армијата останува ангажирана во Гостивар и ќе продолжи да им помага на граѓаните сѐ додека има потреба, изјави министерот за одбрана Владо Мисајловски при денешната посета на касарната „Мирче Ацев“ во Прилеп.
Тој информираше дека Армијата веќе неколку дена е на терен, каде со цистерни со техничка вода и друга опрема им дава поддршка на институциите и на населението погодено од непогодите.
