Мисијата на ОН за поддршка на Либија (УНСМИЛ), по извештаите за континуирано воено засилување во и околу Триполи, ги повика сите страни во конфликтот во северноафриканската земја да избегнуваат дејствија или политичка реторика што би можеле да ги ескалираат или обноват судирите.
Премиерот на Либија, Абдул Хамид Дбеиба во мај нареди распуштање на парамилициите, по што уследија најтешките судири во Триполи во изминатите години, при што загинаа најмалку осум цивили.
– Мисијата ги продолжува своите напори да помогне во деескалацијата на ситуацијата и ги повикува сите страни да се вклучат во добра волја за таа цел. Силите неодамна распоредени во Триполи мора веднаш да се повлечат, соопшти УНСМИЛ.
Влада на национално единство со седиште во Триполи, предводена од Дбеиба, беше формирана преку процес поддржан од ОН во 2021 година, но Парламентот со седиште во Бенгази повеќе не ја признава нејзината легитимност.
ФОТО: Ројтерс
