Министерството за здравство соопшти дека во врска со 41- годишната пациентка која почина на инфективното одделение во Клиничката болница во Штип, Државниот санитарен и здравствен инспекторат во моментов спроведува вонреден инспекциски надзор за конкретниот случај.
Директорот на Клиничката болница во Штип, Ален Георгијев, како што се посочува, исто така побарал да се изготви комплетен извештај за начинот на третман на пациентката.
По завршениот вонреден инспекциски надзор, јавноста ќе биде детално информирана, истакнуваат од Министерството за здравство.
За овој настан вчера објавивме потресно обраќање на ќерката на починатата пациентка до министерот за здравство, Венко Филипче.
