По објавувањето на пресудата против поранешните водачи на Ослободителната војска на Косово (ОВК) во Хаг, пред судницата избувнаа немири во кои демонстрантите се судрија со полицијата.
Група Албанци се собраа претходно во текот на денот за да ја следат пресудата, а по објавувањето избувнаа судири, јави Индекс.хр.
Според видеа објавени на социјалните мрежи, неколку лица се качиле на полициски возила и ги удирале. Полициските сили користеле водени топови за да ја растераат толпата. Медиумите известуваат дека ситуацијата се смирила по интервенцијата.
Во првостепената пресуда, судот ги осуди поранешниот водач на ОВК, Хашим Тачи, и неговите соработници. Тачи и Јакуп Красниќи беа осудени на по 25 години затвор, Кадри Весели на 18, а Реџеп Селими на 13 години. Времето поминато во притвор ќе им биде вклучено во казната.
