Германскиот амбасадор во Кина, Јан Хекер почина на 54-годишна возраст, помалку од две недели откако ја презеде функцијата, соопшти германското Министерство за надворешни работи.
Хекер, советник за надворешна политика на канцеларката Ангела Меркел, ја презеде функцијата на 24 август, објави Амбасадата во Пекинг на социјалната мрежа Вичет. Причината за смртта се уште не е утврдена.
– Ние сме во длабока тага поради ненадејната смрт на германскиот амбасадор во Кина, соопшти германското МНР.
Хекер изгледаше среќен и добро кога минатиот петок беше домаќин на настан посветен на германскиот уметник Јозеф Бојс во неговиот дом во Пекинг, изјави еден од гостите на настанот.
