Неидентификуван предмет паднал од небото вчера во Неготино, објави огранокот на парламентарната партија Левица од овој град.
Ја пренесуваме објавата на Левица од нивниот профил на Фејсбук:
– Во Неготино можеби нема вода, можеби нема ни соодветно осветлување по улиците, нема ниту инвестиции, но затоа пак во Неготино ни паѓаат ранци од небото! Вчера попладне, врз станбен објект падна неидентификуван предмет. И покрај брзата реакција на воената полиција и нашите „пријатели“ од НАТО, сепак истото не остана незабележано од наши сограѓани. Се прашуваме, доколку паднал ранец од летечки објект, дали постои опасност да падне нешто значително ризично и фатално по животот и здравјето на неготинци? И што ако овој објект – предмет паднеше на место каде има голема фреквенција на луѓе? Немоќни да го заштитат и регулираат сопствениот простор како резултат на губење на суверенитетот, ние бараме соодветните институции да сносат одговорност и да го расфетлат случајот во најкраток можен рок, се наведува во објавата на ЛО Левица од Неготино.
Ги објавуваме и фотографиите од настанот во Неготино.
