Добитниците на овогодинешните Нобелови награди ќе добијат дополнителен милион шведски круни, со што вкупната финансиска награда ќе се зголеми на 11 милиони круни (920.000 евра), објави денеска Нобеловата фондација.
Наградните пари се зголемуваат и опаѓаат во последниве години, а членовите на наградната комисија рекоа дека сумата се зголемува оваа година за да ја одрази посилната финансиска позиција на фондацијата.
Во 2012 година, наградниот фонд беше намален од 10 милиони круни на 8 милиони круни бидејќи фондацијата се обиде да ги зајакне своите финансии. Износот на наградата е зголемен на девет милиони во 2017 година, а на 10 милиони во 2020 година, колку што беше пред 2012 година. Во текот на изминатата деценија, шведската круна загуби околу 30 отсто од својата вредност во однос на еврото, што значи дека последното зголемување на вредноста на наградата нема да ги направи победниците надвор од Шведска да се чувствуваат многу побогати.
Во 2013 година, наградите за достигнувањата во науката, литературата и мирот, кои првпат беа доделени во 1901 година, беа во вредност од околу 1,2 милиони долари и покрај намалувањето на износот во шведска валута на осум милиони круни.
Нобеловата награда за физиологија или медицина е прва од овогодинешните награди и ќе биде објавена на 2 октомври, а потоа следуваат наградите за физика, хемија, литература и мир во наредните денови.
