НОВИОТ БРИТАНСКИ КРАЛ: Чарлс Трети првата официјална дводневна посета на Македонија ја имал во 1998 година како Принцот од Велс

Новиот крал на Велика Британија Чарлс Трети, во далечната 1998 година, како Принц од Велс, првпат престојувал во дводневна официјална посета на Македонија при што ги посетил Скопје и Охрид.

Неговата посетата се случи само недела дена по вториот круг од третите парламентарни избори во Македонија кога власта од СДСМ ја презеде коалицијата на ВМРО-ДПМНЕ и Демократска Алтернатива, пишува весникот Слободен печат.

Кралот Чарлс III на 8. ноември 1998 се сретна со тогашниот македонски претседател Киро Глигоров и со министерот за одбрана Благој Ханџиски.

Во Охрид тој се сликаше и со млади играорци кои на кралот Чарлс III му го претставија македонскиот фолклор, а уживаше и во звуците на гајдите кои пак се традиционални во Шкотска, земја дел од Обединетото Кралство.

Кралот Чарлс Трети во овој период во рамките на својата турнеја на Балканот посети четири земји –  Словенија, Романија, Бугарија и Македонија, а во Скопје допатува од Софија кадешто престојуваше од 6 до 8 ноември 1998 година.

Целата статија во Слободен печат