ОБСЕ реагира што албанската опозиција излегла од парламентот, не се сеќава кога во Скопје го поддржа излегувањето на СДСМ

Амбасадорот на ОБСЕ во Тирана, Бернд Бошард, смета дека е неразумно продолжувањето на политичката криза во Албанија.

По средбата со студентите на Универзитетот Луиѓ Гуракуќи во Скадар, тој рече дека политичката криза е на штета на Албанија и упати апел до власта и опозицијата за дијалог.

– Се обидуваме на секој начин да има разговори. Сакаме сите политички фактори да учествуваат на изборите. Невозможно е да ја гледам иднината за она што може да се случи во Албанија. Сите партии имаа претставници во Централната изборна комисија (ЦИК) и ги признаа изборите во 2017 година, истакна Бошард.

Тој го повтори ставот дека откажувањето на албанската опозиција од пратеничките мандати е чин без преседан и лош пример за регионот. Бошард додаде дека пополнувањето на дел од пратеничките места во албанскиот законодавен дом, од кои се откажа опозицијата, со кандидати кои се подолу на гласачките ливчиња, е легитимен.

Бошард очигледно не сака да знае дека преседанот веќе е направен во Македонија кога пред неколку години токму ОБСЕ и останатиот дел од западната меѓународна заедница го поддржаа чинот кога тогашната опозиција во ликот на СДСМ ги врати мандатите во Собранието на РМ.