Американскиот претседател Џозеф Џо Бајден го одликува неговиот украински колега Володимир Зеленски со Медалот на слободата.
– Голема чест е да се биде одликуван со Медалот на слобода. Оваа награда навистина покажува како и за што се бори украинскиот народ. Слободата е главниот збор за нас и она што навистина ги обединува сите Украинци, напиша Зеленски.
Тој се заблагодари за медалот и поддршката од САД.
– Ви благодариме за поддршката – претседателот Бајден, двете партии од Конгресот и секој американски граѓанин! Ве молиме знајте дека не поддржувате само земја или нејзин лидер, туку поддржувате милиони луѓе кои, како вас, ја негуваат слободата. И ве повикувам да ја одржите оваа постојана поддршка за Украина до самиот ден кога ќе можеме целосно да го вратиме територијалниот интегритет на нашата држава, напиша Зеленски на својот профил на Фејсбук.
Зеленски објави и видео од церемонијата.
