Високиот претставник на ОН Мартин Грифитс рече дека е „релативно оптимист“ во врска со обновувањето на договорот за извоз на украинско и руско жито, како и руско вештачко ѓубриво на светскиот пазар, но рускиот амбасадор во ОН Василиј Небензја вели дека Москва мора да се погрижи неговиот извоз да функционира.
Договорот што го постигнаа Украина и Русија на 22 јули во Истанбул со Обединетите нации и Турција резултираше со извоз на повеќе од 8,5 милиони тони прехранбени производи од пристаништата на Црното Море во Украина.
Сепак, Небензја изјави дека „Русија прво мора да види дека нејзините житарки и вештачки ѓубрива се извезуваат на светскиот пазар“, што, според него, никогаш не се случило од почетокот на договорот.
За помалку од еден месец истекува договорот, кој беше потпишан на 120 дена, а шефот на хуманитарната мисија на ОН, Мартин Грифин, задолжен за украинската страна, и високиот трговски претставник на ОН, Ребека Гринспен, одговорна за руската страна, претходно овој месец беа во Москва, каде што разговараа со руски претставници за продолжување на договорот.
„Би сакале да видиме брзо обновување на договорот. Тоа е важно за пазарот, важно е за континуитет. Релативно сум оптимист дека ќе постигнеме договор, работиме сериозно на тоа“, рече Грифитс.
По нападот на Украина на 24 февруари, Русија забрани испорака на житарици од Украина, по што имаше проблем во снабдувањето со жито во светот, цените скокнаа, а извозот продолжи од 1 август по потпишувањето на договорот.
Небензја рече дека треба да се отстранат пречките за извоз на руски житарки и вештачки ѓубрива, да се дојде до светскиот пазар – да се добијат гаранции за руските бродови, да се направат финансиски трансакции и да се најдат пристаништа за руските бродови.
