Денеска го одбележуваме овој ден кој претставува историската точка на подигнување на националната самосвест но и литературното, интелектуално и културолошко обединување на сите Албанци, наведува министерот за надворешни работи Бујар Османи во честитката по повод Денот на албанската азбука.
– Сто и тринаесет години од Битолскиот конгрес кога интелектуалните потенцијали на Албанците од целиот свет се обединија за да ја унифицираат сопствената азбука. Во денешната современа држава, С. Македонија, албанскиот јазик го доби своето заслужено место како службен јазик на земјата, симболично изразено и преку одбележување на денешниот ден. Афирмацијата на јазичното, националното и духовното наследство на секоја од заедниците во земјава преставува наш современ предизвик на кој заеднички работиме, наведува Османи.
Тоа, додава Османи во честитката, е воедно и нашиот придонес кон европските вредности кон кои се стремиме, градејќи ги со тоа и современите темели на нашата заедничка државата.
-Нека ни е честит празникот, пишува Османи.
