Припадниците на кумановската група, обвинети и осудени за тероризам за настаните од 9 и 10 мај 2015 година, се уште се чувствуваат како херои за она што го направиле.

Како што објави Инфомакс, во директна врска на Т7 Фронтал, двајца од членовите на оваа група рекоа дека нивните целта за национално обединување не е завршена.

На 7-годишнината од како што ја нарекуваат „Кумановската битка“, еден од осудените рече дека не жали се борел за „обединување на албанските земји“, рече тој.

Десет членови на вооружената група беа убиени, 37 лица беа обвинети за тероризам, од кои 7 на доживотен затвор.

 

Како што е познато, веднаш по стивнувањето на пукотниците во Куманово пред 7 години, тогашниот опозиционен лидер Зоран Заев, отиде во посета на Диво насеље каде што правеше селфи.

Тупанчевски: Барањата на осудените лица од Диво Насеље кои штрајкуваат со глад се разгледуваат, Косово бара екстрадиција на дел од нив

Доколку се утврди дека осудени лица за настаните во Диво Насеље, кои штрајкуваат со глад не ги добиваат правата што им следуваат со закон, ќе биде соодветно реагирано, изјави денеска министерот за правда Никола Тупанчевски. Коментирајќи го овој случај министерот Тупанчевски, нагласи дека тие внимателно ги разгледуваат нивните барања.

– Директорот втор пат стапи во контакт со осудените лица и мислам дека работите се одвиваат во позитивна насока, да ги добијат сите права и погодности кои им следуваат по закон. Не сакаме да имаме селективен пристап и не сакаме да правиме парабола со некои други осудени лица. Секое осудено лице преставува „приказна за себе” треба да се има индивидуален пристап, доколку се утврди дека не ги добиваат правата што им следуваат со закон, ќе биде соодветно реагирано, рече Тупачевски.

Воедно, тој наведе дека заради природата на кривичното дело се работи за комплексна проблематика, и дека се во постојана комуникација и со други институции кои прават проверка од безбедносен карактер.

– Во таа смисла Управата за извршување на санкции ги носи соодветните одлуки кои што ги добива како резултат на координирана соработка со други институции, рече Тупачевски и потврди дека официјално е поднесено барање од косовските власти за ектрадиција на дел од осудениците.

– Министерството за правда постапува, не е донесена одлука во таа насока, се работи за процес, правна ситуација каде треба да бидат анализирани повеќе фактори и Министерството за правда да ја донесе адекватната одлука, изјави Тупачевски.