До општина Кавадарци по синоќешното невреме пристигнале педесет пријави. Од нив триесетина се однесувале за поголеми штети, изјави заменик градоначалникот Тони Нешковски.
-Беше интевенирано со машини, со камиони, водни пумпи. Наносите од невремето се расчитуваа, се работеше со раните утрински часови. И денеска службите продолжија со расчистување на штетите, изјави Нешковски.
Се очекува до крајот на денот, најдоцна утре градот да се врати во нормална состојба.
Веќе утре ќе биде формирана комисија за проценка на штети. Нешковски апелираше до граѓаните кои имаат проблеми настанати од невремето, да се обратат до кол центарот на Општината за истите да бидат решени.
