Бугарија веќе нема да толерира насилство од РСМ, изјавил претседателот Румен Радев кој го прими тепаниот Христијан Пендиков, секретар на бугарскиот клуб Цар Борис Трети во Охрид.
Како што јавуваат повеќе бугарски медиуми, Радев ваквиот став го искажал на средбата со Пендиков, кој во Охрид беше претепан поради нерасчистени криминални сметки за дрога, а за Бугарија „поради бугарскиот идентитет“.
Радев ѝ честитал на мајката на Пендиков за тоа што „одгледала достоен син, а на Христијан за храброста да го одбрани своето бугарско име“.
– Бугарија ќе ги користи сите национални и меѓународни инструменти за заштита на нивните права, рече Радев, а Софија ги информирала и меѓународните партнери за уште една антибугарска кампања во РСМ, се вели во соопштението на Кабинетот на Радев.
Тука се и неизбежните закани кон Македонија:
– Институциите кај нашиот југозападен сосед мора со дела да докажат дека не се симпатизери на повеќегодишната омраза кон Бугарија, рече Радев.
Тој инсистира виновниците да бидат откриени и ефективно казнети, а Бугарија, како што рече, „ќе ги следи постапките на институциите во РСМ за да го гарантираат животот и здравјето на своите граѓани, кои и покрај систематската репресија продолжуваат да го бранат својот бугарски национален идентитет“.
Радев уште еднаш нагласи дека „услов за европската иднина на РСМ е вклучувањето на Бугарите во Уставот, посветеност на институциите за искоренување на јазикот на омразата кон Бугарија и Бугарите, како и спроведувањето на билатералниот Договор за добрососедство“.
Пендиков, како што објавија бугарските медиуми, се слика со претседателот Радев и потпретседателката Илијана Јотова.
Оригиналните текстови за средбата може да ги отворите ТУКА.
