Унгарскиот премиер Виктор Орбан изјави дека санкциите на ЕУ треба да се преземат кога сите земји-членки ќе бидат подготвени за тоа.
Тој испрати и писмо до претседателката на ЕК, Урсула фон дер Лајен во кое вели дека Будимпешта не може да го поддржи планот за санкции на ЕУ против Русија „во нејзината сегашна форма“.
Европската комисија, во рамките на шестиот пакет санкции против Русија, предлага фазна забрана за увоз на руска нафта во ЕУ, изјави претходно фон дер Лајен.
Според неа, одбивањето ќе биде постепено, до крајот на оваа година. Портпаролот на Европската комисија, Ерик Мамер, прецизираше дека предлогот за ембарго на нафта против Русија го зема предвид фактот дека некои земји од ЕУ, поради повеќе причини, се повеќе зависни од руските енергетски ресурси.
Истовремено, според медиумите, постојаните претставници на земјите од ЕУ не успеале да се договорат за ембаргото, а се планира работата на шестиот пакет да заврши најдоцна до 9 мај.
Чешка, Словачка и Унгарија официјално се изјаснија против целосното ембарго. Првите две сакаат тригодишен преоден рок за себе, додека Унгарија бара исклучоци за испораките на нафта од Русија преку нафтоводи.
