Еден од најпознатите македонски актери, Ванчо Петрушевски, почина на своја 67-годишна возраст.

-Тукушто разбрав дека доајенот на Драмски театар и македонското глумиште, Ванчо Петрушевски, трагично го загуби животот. Почивај во мир Рамче. За комеморацијата и погребот дополнително ќе известиме, напиша на својот Фејсбук профил директорот на Драмски театар.

Причината за смртта се уште не ни е позната.

Веднаш по завршувањето на Високата музичка школа, отсек за актерски кадри во Скопје во 1975 година се вработил во Драмскиот театар во Скопје, каде неговиот талент го истакнал веќе во првата претстава „Ослободување на Скопје“ од Д. Јовановиќ.

Учествувал во голем број радио-драмсики проекти, телевизиски драми, серии и слично. Познат е по своите улоги во Македонски народни приказни. Во 2016 година освои Државна награда 11 Октомври за остварување во областа на уметноста и културата.

На ФБ веќе се споделуваат и неговите зборови од минатата година:

„Само со нашата истрајност ќе победиме, aко треба овде ќе легнеме еден по еден околу целото Собрание, ќе ја одбраниме нашата татковина!“