Последните луѓе во светот кои го зборуваат речиси изумрен јазик на Исус Христос живеат во сириското село Малула, едно од најстарите христијански места во светот.

Подвиткан над дебели книги, Георге Заароур користи лупа за да го прочита и преведе натписот на арамејско-библискиот јазик на Исус Христос, кој исчезнува од секојдневната употреба во неговото село.

Овој 62-годишен е еден од последните експерти на древниот јазик, кој во сириското село Малула, едно од најстарите христијански населби во светот, преживеа две илјади години.

Арамејскиот јазик е во опасност, за неколку години ќе исчезне

Арамејскиот јазик во ова планинско село, некогаш многу се користел, но денес го зборуваат само неколку луѓе.

„Арамејскиот јазик е во опасност. Ако продолжи вака, ќе исчезне за пет до десет години “, вели Заароур, кој собира книги и енциклопедии на арамејски и ги поминува неговите денови преведувајќи го древниот семитски јазик, кој бил во широка употреба на Блискиот Исток за време на почетокот на христијанската ера, а корените му се од 10 век пред Христос.

„Денес, 80 отсто од локалното население не зборува арамејски, а останатите 20 отсто се постари од 60 години”, вели тој.

Вгнездена во карпа, полна со цркви и манастири, Малула е симбол на христијанско присуство во областа Дамаск.

Поклоници од целиот свет некогаш доаѓаа во селото за да ги видат старите верски објекти и да го слушнат арамејскиот на улиците.

Сириската граѓанска војна промени сè.

Џихадистите го освоија селото во 2013 година, што ги принуди повеќето христијани присилно да го напуштат. Сириската војска следната година ја врати контролата над Малула, но две третини од бегалците се уште не се вратиле.

Последните луѓе во светот

Многу локални жители најдоа засолниште во и околу 55 километри од Дамаск. Дел од нив отидоа во странство.

„Воената генерација се раѓа надвор од Малула, во Дамаск или на друго место и прво учат арапски јазик”, вели Заароур.

Тој е автор на околу триесет книги на арамејски и е добро познат во сириските академски кругови.

Во 2006 година основа Центар за арамејски во Малула, но објектот беше затворен по почетокот на војната.

Началникот на селото, 80-годишниот Илија Тхаалаб вели дека во Малула се горедеат со својот соселанец.

Зачувувањето на арамејскиот јазик е поважно од сè друго

„Мислам дека Георге Заароур е единствениот арамејски експерт во Сирија. Има млади наставници, кои се обидуваат да го научат јазикот, но тој е единствениот кој го знае во длабочина. ”

Тхаалаб нагласува дека зачувувањето на арамејскиот е поважно од сè друго.

„Повеќе од 2000 години го чуваме јазикот на Исус во нашите срца. Ние сме меѓу последните луѓе во светот кои го знаат”.

Но, од 6000 луѓе кои живееле во селото пред војната, само 2.000 од нив се вратиле.