ПРЕГАЗЕН ХИРУРГ ВО СКОПЈЕ: Тешко повреден Ѓорѓи Јота кој бил удрен од БМВ кое го возел 16-годишен малолетник и се обидел да побегне

Педесет и осумгодишниот хирург д-р Ѓорѓи Јота вчеравечер бил прегазен на крстосницата од булеварот „Мајка Тереза“ и улицата „Елисие Поповски Марко“ и со тешки телесни повреди бил пренесен во комплексот клиники Мајка Тереза.

Во врска со ова информација објавена во Слободен печат, МВР го објави следното соопштение:

„На 25.02.2021 во 20:30 часот било пријавено дека на крстосницата од бул еваерот „Мајка Тереза“ и улица „Елисие Поповски-Марко“ патничко моторно возило „БМВ Х6“ со скопски регистарски ознаки управувано од 16- годишник удрило во Ѓ.Ј.(58) од Скопје. Во незгодата со тешки телесни повреди се задобил пешакот констатирани во Комплексот клиники „Мајка Тереза“. Извршен бил увид на местото на настанот од увидна екипа од СВР Скопје – се наведува во одговорот од МВР.

Како што информираат дел од медиумите, докторот е во коматозна состојба.

Неофицијално шеснаесетгодишникот сакал да избега, но полицијата го фатила во близина на трговскиот центар Рамстор.