Врз основа на 99 проценти од пребројаните гласови во Џорџија, сојузната држава во која предност до утрово имаше републиканскиот кандидат за претседател на САД, Доналд Трамп, Бајден има предност од 917 гласови.

Според проекцијата на Си-Ен-Ен, и Трамп и демократскиот кандидат Џо Бајден имаат по 49,4 проценти од гласовите, а победата во таа држава носи 16 изборни гласови.

Доколку Бајден ги добие тие гласови, тој ќе биде на само чекор до победата, бидејќи ќе има 266 од неопходните 270 изборни гласови.

По повод најновите резултати, Трамп објави на Твитер, каде што напиша дека Твитер е надвор од контрола.

„Лесно победив на претседателските избори со законски преброени гласови. На набљудувачите не им е дозволено да си ја вршат својата работа, затоа мора да се утврди дека гласовите прифатени во овој период се незаконски гласања. Врховниот суд на САД треба да одлучи”, напиша Трамп на Твитер.

Во Џорџија Трамп води со само 463 гласови пред Бајден

Meѓу двата кандидата за претседател на изборите во САД, Доналд Трамп и Џо Бајден се води битка со особено интересни податоци во Џорџија. Таму во моментот Трамп води со само 463 гласа пред Бајден, а неколку илјади гласови остануваат непреброени.

Повеќето гласачки ливчиња се од изборни единици со силно присуство на демократите.

Си-Би-Ес Њуз јави дека двата округа со најмногу непреброени гласачки ливчиња се Гвинет (4.800 гласови) и Клејтон (4.355). Во 02 часот по полноќ, некои окрузи престанаа да бројат гласачки ливчиња, но продолжија во Клејтон.

Во округот, Бајден води пред Трамп со 85 отсто спрема 14 проценти. Округот, веројатно ќе му помогне на Бајден да победи. Властите во Клејтон за Си-Ен-Ен околу 01.27 часот по локално време изјавија дека има уште околу 3.500 гласачки ливчиња од 30.000.

Американскиот претседател вчера имаше предност од околу 18.000 гласови. Веројатно една од сојузните држави ќе побара пребројување, бидејќи битката се очекува да заврши со „фотофиниш“.

Џорџија не ја добил кандидат за претседател од Демократската партија од 1992 година, кога триумфираше Бил Клинтон.

Се намалува предноста на Трамп во Џорџија

Десетици илјади гласачки ливчиња во државата Џорџија, кои се уште не се преброени, доаѓаат од областите во кои Џо Бајден е во водство, поради што предноста што ја имаше Доналд Трамп во однос на противникот се намали на околу 9.500 гласови.

Џорџија е една од сојузните држави што Трамп мора да ја добие за да остане во трка за претседател.

Џорџија носи 16 изборни гласови, а според американски медиуми, Трамп прогласил таму победа прерано.

Бајден добива дополнителна заштита од Тајната служба

Демократскиот кандидат за претседател на САД,  Џо Бајден треба да добие дополнителна заштита од агентите на тајната служба денеска, бидејќи планира да остане во Вилмингтон, Делавер уште еден ден за можен говор, јавија локалните медиуми.

Бајден би добил заштита од дополнителни агенти за да остане во Центарот Чејс во Вилмингтон, каде што во моментов е сместен со својот персонал под заштита на десетина агенти, објави „Вашингтон пост“ повикувајќи се на анонимни извори.

Според извештајот, дополнителни агенти ќе бидат испратени во конгресниот центар за да ја зголемат безбедноста таму од денеска, додека Бајден се подготвува да одржи главен говор.

Според проекциите на Асошиејтед Прес, Џо Бајден е се поблизу до 270-те изборни гласови што му се потребни за да го победи претседателот Доналд Трамп со победите во Мичиген и Висконсин.

Со тие држави и Аризона, уште една – како Пенсилванија – би била доволна за победа на изборите додека кампањата Трамп се бори против него со судски процеси.

Еве го статусот на некои сојузни држави:

Пенсилванија: Предноста на Трамп се намали на 19.000 гласови рано утрото додека продолжија да се бројат стотици илјади гласачки ливчиња по пошта, кои се очекува да го фаворизираат Бајден

Џорџија: Бајден поведе со 917 гласови денеска во трка за која најверојатно ќе биде потребно пребројување, без оглед на резултатот.

Северна Каролина: Трамп предводеше 76.000 гласа вчера, но државата се уште брои околу 116.000 гласачки ливчиња по пошта и 40.000 гласачки ливчиња.

Невада, каде Бајден има предност од 11.000 гласови засега е нејасно со резулатите.

Рурален Орегон уморен од демократите сака во Ајдахо

Руралните гласачи во инаку либералната продемократска американска држава Орегон имаат радикална идеја – отцепување, за да се приклучат на соседната и многу конзервативна Ајдахо. Два конзервативни округа во Орегон, Унион и Џеферсон, гласаа во вторникот на необврзувачки референдум за промена на границите на државата, која гласаше за Бајден на изборите.

„Во САД постои омраза меѓу либералите и конзервативците“, рече организаторот на референдумот Мајк МекКартер.

„Густо населените урбани средини контролираат се“, објасни 73-годишниот пензиониран водач на клубот на ентузијасти за оружје.

Орегон, во чија политика доминира либералниот град Портланд, не гласал за републиканците на претседателските избори од 1984 година. Ајдахо, пак, последен пат гласаше за демократите во 1964 година.

Но, пустинското плато и планинските области на источен Орегон, каде преовладуваат индустриите со интензивно ресурси, како што се шумарството, сточарството и рударството, се далеку поконзервативни од крајбрежните области кои повеќе се грижат за заштита на животната средина.

Доколку сакаат да успеат, сецесионистите мора да ја добијат поддршката од државниот парламент и Конгресот, што не се смета за веројатно. Предлогот изгласан во вторникот од окружните службеници треба само да се разгледа, а слични предлози се одбиени во други два округа.

Но, Мекарти рече дека целите на неговото движење се чинат оправдани за помалку рурални конзервативци низ САД, каде повеќето држави ги распределуваат сите свои изборни гласови за да изберат претседател врз основа на „се или ништо“.

„Дефинитивно е конфликт помеѓу сините и црвените“, рече тој.

„Индијана и Илионис го имаат истиот проблем затоа што Чикаго го контролира цел Илионис. Во државата Њујорк, градот Њујорк ја контролира целата држава .Постои конфликт во однос на животните вредности помеѓу урбаните и руралните области“, вели Мекарти.

Гласовите од метрополите како Филаделфија, Лас Вегас и Детроит најверојатно ќе бидат клучни во трките за гласачите во Пенсилванија, Невада и Мичиген од кои зависи исходот од изборите.

МекКартер се залага за долгорочен план за присоединување на руралните области во Орегон, Северна Калифорнија, па дури и Невада кон „Голем Ајдахо“, што подобро би ги одразувало интересите на конзервативците во оваа област.

Стивен Беда, вонреден професор на Универзитетот во Орегон, рече дека новиот предлог за референдум, иако веројатно нема да успее, „укажува на поголем политички раздор во области како Орегон и дека треба да се сфати сериозно“.

„Ова укажува на долгата историја на луѓето во руралните области во Орегон кои сметаат дека нивниот идентитет, политика и економија не се во согласност со големите градови“, рече тој.

Движењето се базира на прагматична желба за „поголема слобода и помалку законска регулатива“ во соседен Ајдахо, која има пониски даноци, пониски животни трошоци и повеќе лидери склони кон оружје, рече тој.

„Тоа е многу добар показател за нашиот рурален раздор тука“, вели Беда. „Тоа е американската политика.

Пенсилванија ветува пребројување на најголем број од гласовите во текот на денот, во Џорџија се уште се брои

Во американската сојузна држава Пенсилванија очекуваат до денеска да пребројат најголем број од гласовите за претседателските избори во САД. Тоа го изјави секретарот на таа држава, Кети Буквар, и додаде дека мора да бидат обработени уште неколку стотици илјади гласови, како и дека не е запозната дека има повреда при гласањето.

Според „Фокс њуз“, преброени се околу 89 проценти од гласовите, а во таа сојузна држава и врз основа на тој број, води Доналд Трамп со 50 проценти од гласовите, додека Бајден има 48,8 проценти. Од таа држава кандидатот добива 20 изборни гласови.

Од друга страна, во Џорџија, Трамп води со само 1.900 гласови, а остануваат околу 20.000 гласови за пребројување, пренесува Си-Ен-Ен. Победата во таа сојузна држава носи 16 изборни гласови.

Разликата меѓу кандидатите за претседател на САД во клучните држави денеска се намали уште повеќе и Доналд Трамп и Џо Бајден се доближија еден до друг на помалку од еден процент во Пенсилванија, Џорџија, Северна Каролина, Невада и Аризона.

Во текот на ноќта, американската поштенска служба, во согласност со локалните судски налози, изврши претрес во своите магацини во тие сојузни држави за да ги издвои сите гласови испратени по пошта до денот на изборите и да ги проследи до изборните комисии.

Кандидатот за демократски претседател Бајден, според проценките на американските медиуми, води во бројот на изборни гласови пред актуелниот претседател Трамп и има меѓу 253 и 264 гласачи во зависност од проценката на индивидуалните медиуми за тоа дали тој ја „освоил“ Аризона или не.

Трамп има 214 изборни (електорски) гласови и во таа проценка американските медиуми се единствени. За да се победи на изборите во Америка, потребно е да се освојат 270 електорски гласови.

И Трамп и Бајден се уште имаат начини да ја освојат Белата куќа

Претседателот на САД, Доналд Трамп и кандидатот на Демократската партија, Џо Бајден, се уште имаат начин „да ја освојат“ Белата куќа, но поранешниот потпретседател има повеќе опции.

Бајден води со 264 изборни (електорски) гласови (вклучително и Аризона) наспроти 214 гласа на Трамп во Изборниот колеџ, со 270 потребни за да победи на еден од најспорните претседателски избори во историјата на САД.

Во средата, поранешниот потпретседател оствари клучни победи во Мичиген и Висконсин, а Трамп доби само еден глас во Мејн.

Се уште не е објавен победник, но скоро 100 отсто е сигурно дека лидерот на САД ја освои Аљаска и има вкупно 217 гласови.

Резултатите се уште се чекаат од Невада (Бајден има предност од 11.400 гласови), Северна Каролина (Трамп води со 76.000 гласови), Џорџија (претседателот има водство од 1.267 гласови) и Пенсилванија (Трамп води со 22.576 гласови).

Сепак, пребројувањето на гласачките ливчиња продолжува и Трамп заостанува само 47.052 гласови (повеќето од непреброени гласачки ливчиња има во округот Марикопа, каде демократите имаат силно присуство. Бајден води со повеќе од 70.000 гласови).

Претседателот на САД  мора да собере 53 изборни гласови, што значи Пенсилванија и другите три држави. Но, во Филаделфија и Питсбург, Пенсилванија, има многу гласачки ливчиња на демократи по пошта што треба да се избројат. Трамп најверојатно ќе ја загуби предноста во Пенсилванија.

Демократот има поголем избор да добие уште шест изборни гласови. Еден пат поминува низ Пенсилванија – 20 гласови. Без Пенсилванија, Бајден би можел да победи со Невада, каде има мало водство. Демократскиот претседателски кандидат исто така може да влезе во Белата куќа со победи во Џорџија или Северна Каролина.