Ако тие побараат од нас да го зголемиме количеството, ние сме подготвени да го сториме тоа. Ќе ја зголемиме испораката онолку колку што ни бараат нашите партнери. Нема одбивање, воопшто нема”, рече Путин на енергетската конференција во Москва.
Цените на гасот достигнаа рекордно ниво во Европа и светот овој месец, при што Кремљ ги отфрла обвинувањата дека Русија намерно го ограничува својот извоз за да создаде притисок за брзо одобрување на започнување на новиот гасовод Северен тек 2 што ги поврзува Русија и Германија. САД и голем број европски земји се противат на овој проект.
Путин обвинувањето го нарече „целосна глупост“.
Портпаролот на Путин претходно изјави дека руската енергетска компанија „Газпром“ ја снабдува Европа со гас со максимални количини според сегашните договори и дека за секое зголемување треба повторно да се преговара.
„Ништо не може да се испорача без договор“, рече Песков. „Бесплатно? Тоа е предмет на преговори со Гаспром “.
Цената на големо на природниот гас достигнале рекордни височини во голем број европски земји, а сметките за домаќинствата и деловните субјекти веќе нагло пораснаа и може да станат уште повисоки со постуденото време.
Зголемувањето на цените на енергијата во Европа се резултат на комбинација на фактори – економско закрепнување на светската економија по кризата со корона и долгата зима минатата година, помалата понуда во Европа и рекордно ниските снабдувања со гас на континентот и поголема побарувачка од другите делови на светот како што е Источна Азија.
Европа се повеќе зависи од природниот гас поради напуштање на јагленот и нуклеарната енергија, а Русија и Норвешка, повикувајќи се на технички причини, ги намалија нивните пратки.
На кризата не и помогнаа природните фактори како послабите ветрови во Северното Море, од каде што Обединетото Кралство обезбедува една четвртина од својата енергија, и сушите во Бразил, кои го намалија производствениот капацитет на хидроцентралите, пишува Волстрит Џурнал.
