Москва ќе се повлече од Сирија ако идната влада на земјата одлучи дека руската војска треба да замине, изјави денеска рускиот претседател Владимир Путин.
– Оние кои се незаконски присутни во странска земја, во случајов Сирија, треба да го напуштат регионот. Тоа важи за сите земји, истакна Путин.
– Ако идната легитимна влада на Сирија рече дека не треба руските трупи да останат во земјата, тогаш тоа ќе се однесува и на Русија, додаде рускиот лидер.
Според него, Русија продолжува да размислува за странско воено присуство во Сирија со Иран, Турција и САД.
– Секогаш им велев на нашите колеги дека има потреба да се ослободи Сирија од странско воено присуство, рече Путин.
Тој, исто така, ја истакна потребата од целосно обновување на територијалниот интегритет на Сирија.
