Очекуваме Македонија и Албанија да добијат датум за преговори, бидејќи впрочем тие две земји и го заслжија тоа, изјави денеска хрватскиот министер за надворешни и европски рабори Гордан Грлиќ-Радман, пред почетокот на Конференцијата во Солун посветена на европските перпесктиви на земјите од Западен Балкан.
Грлиќ-Радман, чија земја е актуелен претседавач со ЕУ, истакна дека во Унијата има позитивна клима за прием на Макаедонија и Албанија, што, спред него, би бил логичен ред на настаните.
Тој потенцира дека оваа Конференција е добар вовед за Самитот ЕУ – Западен Балкан што треба да се одржи во Загреб во мај и ги одразува хрватските приоритети и заложби за интеграција на западнобалканските земји во Унијата.
Според шефот на хрватската дипломатија, европската перспектива е достажна за сите земји од Западен Балкан и Хрватска ќе работи на нивната иднина во ЕУ.
Околу можноста за блокади од некои земји челенки на пристапниот процес, Грлиќ-Радман нагласи дека Европксата унија е семејство и мора да се почитува сечие мислење. Сепак, според него, мора да се земе предвид интересот на ЕУ во услови на новата геополитика клима, па затоа Унијата има безбедносен интерес Западен Балкан да биде дел од блокот.
