Како одговор на предизвикот на TikTok „Да видиме кој родил најголемо бебе?“, една мајка го споделила своето искуство на раѓање на бебе од 6,5 кг!
„Сакаме да играме игра кој го родил најголемото бебе?“, го започнува своето видео корисничката на TikTok @ shans1588, кој собра над 30 милиони прегледи на платформата. „Во 38 недела имав царски рез бидејќи моето бебе тежеше неверојатни 6 500 г и беше долго 60 см“.
„Да, родив момче, а не бебе“, се пошегува мајката, додавајќи дека нејзиниот син морал да помине 11 дена на Одделот за неонатална интензивна нега (NICU), каде што убедливо бил најголемото бебе.
Наведената тежина е далеку над просечната родилна тежина од 3 500 грама. Бебето исто така било подолго од повеќето родени бебиња, бидејќи просечната должина на бебињата е 50 сантиметри.
Според неговата мајка, таа во болница не понела ни облека ни пелени во негова големина, па медицинските сестри морале да му донесат пелени бр. 3 од одделот за педијатрија. Кога конечно пристигнал дома, бил облечен во облека наменета за бебе од 6 до 9 месеци.
Во меѓувреме, израснало во „здраво, тврдоглаво и силно 5-годишно момче , кое сака бејзбол, фудбал и Trucks“, изјави гордата мајка во видеото.
