Државната дума на Руската Федерација денеска официјално го усвои законот за забрана за промена на полот на територијата на земјата.
– Оваа одлука ги штити нашите граѓани и деца. Замислете, во САД, бројот на операции за промена на полот е зголемен за 50 пати во последните десет години. Монструозна тенденција!- коментира претседателот на Думата, Вјачеслав Володин.
Тој во коменатор на Телеграм додава:
– Тоа е патот што води до дегенерација на нацијата. Тоа е неприфатливо за нас, вели Володин.
Иницијативата за воведување на овој закон беше поднесена во мај годинава, а на неа работеа околу 400 парламентарци, пишува РИА Новости.
Во согласност со овој закон, престанува да важи бракот во кој еден од брачните другари одлучил да го промени полот, а ако се знае дека одредено лице има потврда дека е подложенo на споменатата операција, во тој случај таа е забрането да посвојува деца.
Но, сите лица кои го промениле полот пред влегувањето во сила на овој закон не подлежат на новите норми.
Думата денеска ја забрани и употребата на медицински препарати кои имаат за цел промена на полот.
-Во САД, според податоците од 2022 година, има еден милион и 640.000 трансродови лица, од кои 340.000 се тинејџери, вели Володин.
