Руската цивилна авијација ги забрани вечерните летови преку израелското небо веројатно поради стравувања од ирански напади врз Израел

Управата за цивилна авијација во Москва им забрани на руските авиопревозници да летаат на израелското небо во наредните ноќи, јави ДПА.

Ограничувањето ја опфаќа временската зона помеѓу 22:00 и 04:00 часот по Гринич и ќе стапи во сила за првпат вечерва, се вели во синоќешното соопштение на Росавијација.

Тоа ќе биде во сила до 09:00 часот по Гринич на 16 август, додаде управата за цивилно воздухопловство.

Не беше наведена причина, иако тоа очигледно е поврзано со стравувањата од ирански воздушен напад врз Израел, јави ДПА.

Дневните летови на израелското небо остануваат дозволени.