Специјалниот претставник на петседателот на САД за Украина, Курт Волкер поднесе оставка, информираат неименувани извори.
Името на Волкер се споменува во пријавата на „свиркачите“ од разузнавачката заедница, објавена во четвртокот, во која за него се вели дека се обидел да ја „намали штетата“ на напорите на адвокатот на Доналд Трамп, Руди Џулијани, да изврши притисок врз Украина да ги испита демократите.
Медиуми потсетуваат дека Волкер работеше како претседателски специјален претставник за Украина од 2017 година, не работел со полно работно време и не бил платен за тоа.
Стејт департментот досега не одговори на ова прашање.
Демократите во Претставничкиот дом, кои спроведуваат истрага за отповикувањето од американскиот претседател, побараа од Волкер да сведочи пред Конгресот преку телефонски повик на 25 јули, во кој Трамп го охрабрува украинскиот претседател да го испита неговиот потенцијален претседателски ривал, Џо Бајден.
Стејт прес, студентска публикација на Универзитетот во Аризона, беше првиот што објави дека Волкер поднел оставка. Универзитетот ја поддржува „тинк тенк“ институцијата каде Волкер е извршен директор.
