Американката Стефани Тарнер е дисквалификувана од натпревар во мечување во САД, откако одби да се натпреварува против трансродова противничка.
Тарнер клекна на колено пред борбата против Редмонд Саливен на натпреварувањето на Универзитетот во Мериленд, по што судиите и покажаа црн картон, а организаторите ја дисквалификуваа од натамошните борби во флорет.
Правилата на Меѓународната федерација во мечување наведуваат дека мечувалец од која било причина не смее да одбие дуел со противник, кој во конкуренција влегол според важечките правила.
Американската федерација во мечување усвои трансродова и небинарна политика во 2023 година.
„Политиките се засноваат на принципот дека секој треба да има можност да учествува во спортот и се засноваат на истражување … ние сме посветени на промени во политиките како што се појавуваат порелевантни истражувања базирани на докази или како што промените на политиките стапуваат на сила во поширокото олимписко и параолимписко движење“, се вели во соопштението на Асоцијацијата за мечување на САД.
ФОТО: EFC/Фејсбук
