Мохамед Салах е убедливо најдобриот играч на Ливерпул оваа година, а сигурно е и меѓу топ 3 во светот. Тој вчера соопшти што планира со својата иднина.
Фараонот вчера беше крунисан како играч на сезоната за „црвените“ и дополнително ги израдува навивачите. Тој вети дека нема да го напушти „Енфилд“ и покрај сите шпекулации кои го поврзуваат со противникот на тимот во финалето на Лигата на шампионите – Реал Мадрид.
-Многу сум среќен тука и се е во ред, имам амбиции за иднината со Ливерпул, па не можеме да зборуваме за заминување. Многу сум задоволен со тимот, ова е само моја прва година тука, но мислам дека ќе останам со години на „Енфилд“, рече Салах на специјалната церемонија за доделување на наградите.
Во оваа сезона Салах има 42 гола и 13 асистенции за Ливерпул во сите натпреварувања.
