Министерот за здравство Беким Сали денеска во изјава за медиумите рече дека изградбата на новиот клинички центар за него како министер останува приоритет, но дека не е можна негова реализација во моментот поради немање најдобро финансиско решение.
– Тоа е комплексен проект кој бара неколку решенија меѓу кои и финансискиот дел. Поради немање на најдобро финансиско решение за реализација на овој проект, продолжуваме со реновирање и адаптирање на постоечките клиники се до моментот кога ќе се заокружи мозаикот неопходен за реализација на таков капитален проект, изјави Сали.
Прашан дали тоа е можно да се реализира во овој мандат, Сали рече дека е оптимист.
Јавноста знае дека од претходната власт од времето на поранешниот премиер Никола Груевски имаше комплетен проект за изградба на новиот Клинички центар, имаше обезбедено и финансии, но по тн. шарена револуција по која на власт дојде СДСМ на чело со Зоран Заев, овој проект беше стопиран. Заев вети дека тие имаат подобар проект и дека ќе го рализираат нивниот.
