Во фокусот на македонската јавност вчера беше веста дека Ламбе Алабаковски е човекот кој ја потпалил вратата на „Ванчо Михајлов“ во Битола, бугарскиот клуб кој уште од отворањето го зовре гневот кај граѓаните. За дел Ламбе е херој, за некои насилството е неоправдано, ама за повеќето разбирливо. Најголемиот број од реакциите се пак за екпресното решавање на случајот поради додворувањето кон бугарските „браќа“, иако многу поголеми трагедии и далеку пострашни криминалци уште не се решени.

Но, меѓу реакциите на обичните граѓани, политичарите, активистите, правниците, изостана било какво мислење од колегите.

Естрадата остана глува на самиот чин на пејачот, но и за експресниот притвор и обвинение за него.

Немаше јавна реакција или кураж од неговите битолски колеги, пред сè, а потоа и од останатите музичари.

Исклучок беа Сара Костадиновска – Сара Мејс, која уште веднаш му порача „Одиме јако!“, Владимир Блажев од дуото ДНК за кого Ламбе е поголем андерграунд од сите што се прават дека се и Бојана Скендеровски, неговата колешка од М2.

Секогаш кога власта нема слух за барањата на својот сопствен народ, кои воедно се фактор заради кои тие истите владеат во моментот, се случуваат вакви немили настани – на народот му доаѓа преку глава од индолентниот однос на власта, па работите ги преземаат во свои раце.
Да не заборавиме – НАРОДОТ Е ДРЖАВАТА, ДРЖАВАТА Е НАРОДОТ!! Секоја власт е менлива!, пишува Панчо.

Бојана му порача јавно дека е со него и дека е горда што го има за пријател и колега.

Ламбе, додека сите седевме во комфорната зона,и ќутевме,си се чувавме од притисоци,си викавме “ ќути има и полошо”, “јас ли ќе ја опраам државава” и сл. во кафана се лупавме во гради дека сме патриоти,Ламбе ни покажа дека е доста од понижување,доста е од газење врз достоинството,не размислуваше дали ќе го затворат и нема да ги види своите дечиња,дека нема да заработува за егзистенција,и му прети затвор поради палење врата на една просторија која беше симбол на газење на македонското достоинство,еден клуб кој го отворија со најголеми почести,а имаше за цел да ја продлабочи македонската рана,за да не боли повеќе!
Со тебе сме Ламбе, горда сум што те имам за пријател, колега!, вели Бојана.