Владејачкиот СДСМ ја има таа привилегија речиси секојдневно да објавува официјални соопштенија кои „не ја говорат вистината“, но никогаш да не бидат прогласени за лажни вести.
Такво е и ова соопштение на СДСМ, чија суштина во еден ред е: Димитар Ковачевски – Таче македонскиот идентитет го брани, а Христијан Мицкоски – Мицко, поткопува и со резолуции Бугарија ја храни.
Шегата на страна, еве го комплетното соопштение од Бихаќска од збор до збор:
Има голема разлика граѓаните јасно ја гледааат и ја препознаават.
Премиерот и претседател на СДСМ, Димитар Ковачевски и Владата којашто ја предводи се грижат за националните интереси и достоинството на сите граѓани. Ковачевски силно го брани македонскиот идентитет и дома и надвор.
Од друга страна е Христијан Мицкоски кој дома ги поткопуваше државните позиции со ширење невистини а надвор прифати спорна Резолуција на ЕПП со ставови на Бугарија.
Никаде немаше ниту изјава за спротивставување на оваа спорна Резолуција на ЕПП, ниту осудување ниту оградување од Мицкоски и ВМРО-ДПМНЕ. Ништо.
Зошто во ЕПП не организираше Мицкоски протестна прес конференција? Зошто ја прифати со ставови на Бугарија?
Ете тоа е вистинското лажно лице на Христијан Мицкоски кој нема никаков кредибилитет да зборува за спорот со Бугарија и граѓаните тоа многу добро го знаат.
Центар за односи со јавноста на СДСМ
