Има една српска поговорка во која се вели „тоа што е мило на бабата, тоа бабата сонува“ со која може да се прераскаже деншното соопштение од владејачката партија СДСМ во врска со извештајот од ЕК за напредокот на Македонија на патот кон ЕУ. СДСМ упорно тврди дека водат државничка политика, дека почнале преговори на Македонија за членство во ЕУ и дека власта е супер, а не чини опозицијата.
Еве го целото соопштение:
Позитивниот годишен извештај на Европската комисија за РС Македонија го препознава напредокот и одржливоста на реформскиот процес и го поздравува почетокот на преговорите со ЕУ со одржувањето на првата Меѓувладина конференција.
ВМРО-ДПМНЕ како антиевропска партија го извртува и критикува извештајот, а извештајот на ЕК ја критикува опозицијата.
Во Извештајот најмногу критика има на сметка на опозицијата, предводена од ВМРО-ДПМНЕ и нивните блокади во Собранието со јасна критика за доцнење при носењето на законите, за што причина се блокадите од страна на опозицијата.
Од најлошите извештаи на ЕК добиени за време на владеењето на ВМРО-ДПМНЕ кога беа нотирани заробени институции, судски органи, регулаторни тела и медиуми, нарушени меѓуетнички односи, притисоци врз јавната администрација, дојдовме до „добро ниво на подготвеност“.
Благодарение на одговорните државнички политики на СДСМ, РС Македонија по 17 години чекање, конечно заслужено ги започна преговорите за членство во ЕУ.
Разликата помеѓу државничкото, проевропско работење на СДСМ и неодговорното, антидржавно постапување на ВМРО-ДПМНЕ и нивниот партнер Левица е огромна и очигледна.
Центар за односи со јавноста на СДСМ
