Партијата која со „крваво Собрание“ дојде на власт во коалиција со ДУИ и со гласање со две раце во собраниските ходници, преку соопштенија се обидува да го одвлече вниманието и да го минимизира народниот глас против бугаризацијата во Македонија, со потценување на интелигенцијата на народот и измислени обвинувања против опозициските опоненти.
Еве го денешното соопштение од СДСМ кое од масата демонстранти пред Владата, Собранието и улиците, не го гледа народот и суштината на проблемот кој го создава како предводник на владејачката гарнитура:
Протестите на антиевропската коалиција предводена од опозициската ВМРО-ДПМНЕ и проруската Левица не беа против последниот европски предлог туку нивната заднина беше неуспешен обид за рушење на Владата.
Сега кога информацијата за европскиот предлог е во Собранието, сите тоа јасно можат да го видат.
Крвавите сценарија со намерно создавање тензии, конфликти, загрозување на стабилноста во државата се всушност борба за гола власт.
За свои лични цели, Мицкоски заедно со Апасиев беше подготвен да ја втурне целата држава во конфликт, преку опасно, мрачно и крваво сценарио за граѓански судир и етнички конфликт. Не успеја овие сценарија кои беа помогнати и од Алијанса.
Сега е одговорност на Собранието и избраниците на граѓаните да донесат одлука за иднината.
Сите политички чинители во државата сега треба да покажат одговорност, да придонесат важната државна одлука да биде донесена во демократска атмосфера.
Сериозни времиња бараат одговорни политичари.
Наместо насилство и дестабилизација да избереме хармонија и просперитет, во спротивно губитник е Република Северна Македонија и сите нејзини граѓани.
Центар за односи со јавноста на СДСМ
