Владејачкиот СДСМ денеска се огласи со соопштение во кое го осудува протестот на македонскиот народ против бугаризацијата, го осудува насилството врз полицијата, но не и бруталноста од полицијата врз граѓаните кои протестираат.
Пред 5 години СДСМ објавуваше поинакви соопштенија – со осуда на бруталноста од полицијата и со поддршка на шарените револуционери кои напаѓаа полицијаци. Но, само кога СДСМ е во опозиција во Македонија има „режим“, а синоќешната бруталност на полицијата е демократијата и европските вредности кои ги донесе СДСМ во Македонија.
Во продолжение целото соопштение од Бихаќска:
Најостро го осудуваме синоќешното насилство на протестот организиран од ВМРО-ДПМНЕ и нивниот партнер проруската партија Левица.
Како што бјави Министерството за внатрешни работи во синоќешното насилство повредени се 47 полицајци, а нанесена е штета и врз објектите на Вчадата, Собранието и Министерството за внатрешни работи.
Јавноста синоќа сведочеше како насилници со качулки ги нападнаа полицајците, фрлаа запаливи течности, ги каменуваа припадниците на македонската полиција и се обидоа насилно да влезат во Собранието.
Слични сцени се случуваа и на крвавиот четврток на 27 април 2017 и сите знаат што тоа значи.
По синоќешните немири мора да следува одговорност од сторителите, но и од организаторите и поттикнувачите на насилството.
Протестот е уставно загарантирано право, но насилството е кривично дело и одговорност за ова мора да понесат сите инволвирани.
СДСМ, институциите, заедно со граѓаните, нема да дозволи насилничкото однесување и сценаријата на ВМРО-ДПМНЕ и Левица да ја загрозат стабилноста на државата.
Центар за односи со јавноста ана СДСМ
