Ковачевски ја носи земјата кон ЕУ, Мицкоски блокира, има разлика, се истакнува во денешното соопштение од владејачкиот СДСМ, кое подолу го објавуваме онака како што е испратено од Бихаќска:
СДСМ предводена од претседателот Димитар Ковачевски со државнички и одговорни политики ја носи земјата кон полноправно членство во Европската унија
Со СДСМ иднината на државата е европска, преговoри со ЕУ на големата маса за полноправно членство во унијата како Македонци со заштитен македонски јазик и македонски идентитет.
На европскиот пат мора да се донесат одлуки кои што ќе ги однесат сегашните и идните генерации кон членство во ЕУ, затоа што граѓаните заслужуваат и подобри работни места и повисок животен стандард дома.
Дијаметрално спротивно е деструктивното однесување на ВМРО-ДПМНЕ на чело со Христијан Мицкоски. Денес како опозиција и претходно 11 години како власт само декларативно се залага за членство во ЕУ, а од друга страна прави се за блокирање и опструирање на евроинтеграциите.
Мицкоски им го нуди на граѓаните тоа што го претрпеа 11 години, поделби по сите основи, држава скарана со сите соседи, во меѓународна изолација и далеку од преговори за членство во ЕУ.
Разликата е јасна и очигледна. Со СДСМ како државотворна партија, Република Северна Македонија стана полноправен член на НАТО, ги започна преговорите за членство во ЕУ, а ВМРО-ДПМНЕ не поддржа ниту една одлука за остварување на стратешките интереси на државата и континуирано кочи и блокира се што е во интерес на граѓаните и на државата.
Центар за односи со јавноста на СДСМ
