Со СДСМ и претседателот Димитар Ковачевски РС Македонија напредува и економски и политички, се истакнува во денешното соопштение од владејачкиот СДСМ.
Во продолжение целото соопштение:
Од држава, која во времето на ВМРО-ДПМНЕ беше скарана со соседите, заборавена и изолирана од меѓународната заедница, Македонија сега претставува фактор на стабилност на Балканот.
Нашата држава ги има уредено внатрешните односи на највисоко можно ниво и ги има решено отворените прашања со соседите
Ние сме земја членка на НАТО, земја која преговара со ЕУ, земја која што претседава со најголемата регионална безбедносна организација ОБСЕ, и држава во која што се депонираа договорите потпишани во рамки на берлинскиот процес помеѓу земјите од Западен Балкан.
Голема чест и признание за нас, е што постигнувањето на договорот за анексот за нормализација на односите помеѓу Косово и Србија, како значајно постигнување за мирот, помирувањето и економскиот развој како клучни предуслови за забрзан прогрес за целиот Западен Балкан кон ЕУ, се случи токму во Охрид.
С. Македонија секогаш ќе биде пријател на сите земји од соседството и ќе продолжи по патот на европските интеграции и на стратешкиот дијалог со Соединетите Американски Држави.
Центар за односи со јавноста на СДСМ
