По неколку владини одлуки и шака нови функционери ВМРО-ДПМНЕ го фаќа правецот назад, кон 2016 година, се истакнува во денешното соопштение од СДСМ кој во 7 години власт успеа да одигра само еден чочек на готов автопат кон Гевгелија, изграден од ВМРО-ДПМНЕ, но не и чочек за исто така почнатиот автопат од Кичево кон Охрид.
И сега на СДСМ во опозиција му смета поставувањето за директор на еден од најуспешните градоначалници на Скопје. Во продолжение целото соопштение од СДСМ:
Јавното претпријатие за државни патишта со буџет од над 600 милиони евра ВМРО-ДПМНЕ му го довери на Коце Трајановски.
ВМРО-ДПМНЕ го враќа градоначалникот кој го спроведе најголемиот градежен криминал во историјата на земјата, проектот Скопје 2014, му се даваат 600 милиони евра во рацете и моќ да раководи со најголемите инфраструктурни и градежни проекти.
Во исто време, Коце Трајановски е косопственик и управител на фирмата Косистеми ДОО чија дејност опфаќа и градежништво. Ова е најава за огромна корупција која се подготвува во ова претпријатие.
Ова не е промена туку правец назад. Граѓаните не гласаа за враќање назад туку за промена која воопшто не се случува и тешко дека ќе се случи.
Центар за комуникации со јавноста – СДСМ
