Пет факти зошто мерките на СДСМ во енергетиката се шампионски, објавува во денешното соопштение владејачката партија и набројува:

– Цената на струјата престана да расте и се стабилизира. Денес, со политиките на СДСМ имаме најниска цена на струјата во Европа. За разлика од криминалното време на ВМРО ДПМНЕ од 2006 до 2016, кога цената на струјата се покачи за 100%. Ја вративме евтината тарифа на струјата што ја укина ВМРО-ДПМНЕ. Граѓаните знаат дека ВМРО-ДПМНЕ беше против враќањето на евтината тарифа, против можноста граѓаните да заштедат. СДСМ го зголеми домашно производство на струја, не увезуваме струја туку продаваме. Во време на криминалната ВМРО-ДПМНЕ имаше пад на домашното производство на струја од 25%, увозот достигна огромни 38%. Цената за која се купуваше струја беше над 200 евра, се вели во сооопштението.

Денес, се додава во истото, ЕСМ не купува струја туку продава енергија на европските пазари и за две години продаде енергија во вредност од 40 милиони евра.

– ЕСМ (ЕЛЕМ) денес има добивка од 80 милиони евра, средства кои се вложуваат против аерозагадувањето. Во време на ВМРО-ДПМНЕ средствата се вложуваа во барокни згради, рајски градини и други фикции од мозоците на Груевски и неговиот советник за енергетика Христијан Мицкоски. Како директор на ЕЛЕМ Христијан Мицкоски ја водеше најлошата енергетска политика во земјава а цената за тоа ја платија граѓаните од своите џебови. Во времето на Мицкоски и ВМРО-ДПМНЕ струјата поскапе 100%, земјава увезуваше енормно скапа струја а ЕЛЕМ парите на граѓаните ги фрлаше на рајски градини, пишува во соопштението од Центарот за комуникации на СДСМ за тоа „зошто се шампиони во енергетиката“.