После цели 20 години имаме успешен попис по сите највисоки стандарди на ЕВРОСТАТ, признаен од сите меѓународни и домашни релевантни фактори.
Ова се истакнува во денешното соопштение од владејачкиот СДСМ, во врска со резултатите од пописот што вчера беа официјално објавени. Соопштението го објавуваме во целост:
Успешниот и кредибилен попис е основа на квалитетни економски политики кои одговараат на вистинските потреби на граѓаните.
Резулатите од пописот на Владата предводена од СДСМ и овозможуваат да носи програми со кои ќе се обезбеди ефективно и ефикасно користење на човечкиот потенцијал.
Владата, институциите добиваат јасна слика за планирање и реализација на сите економски стратегии кои ќе резултираат со рамномерен регонален развој.
Истовремено, со оваа успешно спроведена статистичка операција домашните и странските инвеститори конечно ќе добијат одговор на прашањата што го интересираат секој инвеститор кога одлучува каде ќе инвестира.
Сега точно се знае дали и каде има квалификувана работна сила по специфични профили; која е старосната структура и потенцијалот на одредени градови и региони и кој човечки потенцијал може да биде ангажиран во одредено време.
Со добиените резултати, Владата предводена од СДСМ ќе креира и реализира мерки и политики во интерес на граѓаните кои ќе донесат развој на државата.
Центар за односи со јавноста на СДСМ
