Американец, кој од 2014 година се наоѓа на доживотна робија поради убиство на три жени, призна повеќе злосторства извршени во изминатите четири децении.
Американскиот сериски убиец призна дека извршил 90 убиства ширум САД во изминатите четири децении, поради што е покрената истрага.
ФБИ верува дека 78-годишниот Самјуел Литл, кој веќе се наоѓа в затвор, е еден од најголемите сериски убијци во историјата на САД. Службите ширум земјата сега вршат споредба на неговите искази со убиствата на повеќе десетици жени од 1970 до 2005 година.
Полицијата тврди дека досега има докази за поврзаност на Литл со 34 убиства.
