ВМРО-ДПМНЕ лицемерно предлагаат предвремена ратификација на Протоколот за пристапување во НАТО, а велат дека нема да го гласаат Законот за одбрана кој е клучен за пристапувањето во НАТО, истакна потпретседателката на СДСМ и министерка за одбрана Радмила Шекеринска на денешната завршна трибина „На прав пат“ во Скопје.
Во својот говор, Шекеринска рече дека ВМРО-ДПМНЕ јавно соопштува дека нема да го гласа овој закон поради тоа што во него е содржано уставното име на државата, а од друга страна бара предвремена ратификација на Протколот во кој исто така е содржано уставното име.
– Пратениците на ВМРО-ДПМНЕ земаат плата од РС Македонија и тогаш тоа не им пречи. Не им пречи ниту кога во ЕПП пред партијата стои уставното име на државата. Ама им пречи кога треба целата држава да оди напред, да стане дел од НАТО, им пречи тогаш кога ја обезбедуваме иднината, границите и стабилноста преку членство на Алијансата, рече Шекеринска.
Како што е познато министерката Шекеринска на „прав пат“ кон НАТО, пред неколку дена се посрамоти кога јавноста ја информира за „нивните дострели“ на носачот на авиони на САД, на кој слетаа со премиерот во заминување Зоран Заев и спикерот Талат Џафери. Тогаш Шекеринска објави дека и дел од авионите на САД на носачот биле со македонското знаме, а всушност станува збор за амблем на една од американските единици кои имаат само слични бои со македонското знаме.
