Украина губи 170 милиони долари секој ден, поради немање излез на море, изјави премиерот Денис Шмигал, пренесе Скај Њуз.
Тој додаде дека Украина извезла половина од производството по избувнувањето на војната со Русија кон крајот на февруари.
– Деведесет милиони тони земјоделски производи што Украина планираше да ги извезе во земјите во Азија, Африка и Европа стагнираат, рече Шмигал за време на заедничката посета со претседателот на Европскиот совет, Шарл Мишел, на јужниот пристанишен град Одеса.
Некои од производите на Украина се извезуваат по копнен или железнички пат, но други резерви остануваат во областите каде што се војува или се под руска окупација.
