Додека едни водат битки за повеќе права на куќните миленици, милиони деца живеат во сиромаштија и глад, а тоа е причина годинава уште 4.500 деца, штотуку родени, да умрат пред првиот роденден поради сиромаштија.
Војната во Украина и зголемувањето на трошоците на живот како резултат на тоа, турна уште четири милиони деца во сиромаштија во Источна Европа и Централна Азија во последните месеци, се предупредува во студија на УНИЦЕФ.
Во тие региони, „војната во Украина и зголемената инфлација турна уште четири милиони деца во сиромаштија, што претставува зголемување од 19 отсто од 2021 година“, се вели во студијата, која нагласува дека децата го носат најголемиот товар од економската криза предизвикана од конфликтот. .
Децата сочинуваат 25 отсто од населението, но речиси 40 отсто од 10,6 милиони луѓе кои паднаа во сиромаштија оваа година се деца, покажа истражувањето во 22 земји.
Речиси три четвртини од децата кои паднаа во сиромаштија оваа година се во Русија (2,8 милиони). Два фактори ја објаснуваат оваа ситуација: Русија има големо население, а според УНИЦЕФ, БДП на земјата се очекува да падне за 8 отсто, што е втор најголем пад меѓу земјите вклучени во анализата.
Бројот на децата кои живеат во сиромаштија во Украина е зголемен за уште половина милион, ставајќи ја земјата на второто место, а по неа е Романија со 110.000 дополнителни деца, забележа студијата. Растечката детска сиромаштија во Источна Европа и Централна Азија може да доведе до смрт на уште 4.500 деца пред нивниот прв роденден и да предизвика дополнителни 117.000 деца да останат без настава само во 2022 година, предупреди УНИЦЕФ.
