Суперѕвездатана Барселона, Лионел Меси е еден од главните иницијатори за враќање во тимот на Нејмар.

Ова беше објавено од „Скај Спортс“, повикувајќи се на шпанскиот фудбалски експерт Греам Хантер.

Тој тврди дека Аргентинецот изјавил пред менаџментот на каталонскиот клуб дека ако сакаат да потпише нов договор, прво да го вратат Нејмар.

Бразилецот одигра одлично на „Камп Ноу“ во периодот 2013-2017 пред да премине во ПСЖ за рекордно висока сума во фудбалот. За каталонскиот гигант напаѓачот има 186 натпревари, 105 гола и 76 асистенции.

Според гласините, од Барса се обидуваат да го вратат Нејмар, а последната понуда беше за 100 милиони евра и вклучување на двајца свои играчи.

Вредноста на трансферот на бразилскиот репрезентативец на „Трансфермаркт“ е 180 милиони евра.