Еден пешак загина во сообраќајна незгода, а две лица се здобиле со лесни телесни повреди во две сообраќајни незгоди од вкупно девет што се случиле изминатото деноноќие на подрачјето на Град Скопје. Во шест сообраќајни незгоди е причинета материјална штета.
Полицијата од сообраќај исклучила 44 возачи кои се движеле со поголема брзина од дозволената, осум пред да се стекнат со право на управување на моторно возило и тројца почетници.
Технички неисправни биле исклучени три возила, осум нерегистрирани, а за непрописно паркирање биле издадени 123 мерки. Со специјалното возило „пајак“ биле подигнати 86 возила.
Санкционирани биле и двјаца пешаци кои поминале коловоз вон пешачки премин, пет возачи кои поминале крстосница на црвено светло, шест возачи кои не дале првенство на минување на пешаците на обележан пешачки премин, 10 за неправилно престројување, двајца за неправилно престигнување, двајца возачи кои не дале првенство на минување на возила во зона на крстосница и еден за непоседување пропишана зимска опрема во возилото.
Казнети се и двајца возачи за неносење сигурносен појас за време на управување моторно возило и 11 возачи за користење на мобилен телефон за време на управување моторно возило.
